එන්න හීන වලට පණ පොවන්න

දිගු කලක් තිස්සේ පැවති මහා නියගයකින් පසු පොළෝ තලය මතට ඇද හැලෙනා පළමු වැහි දිය පොද හෙවත් අක් වැස්සකින් කෙතරම් සිත් නිවේවි ද සැනහේවිද.. කාශ්ටක ගිනියම් අව්වත් සමගින් පොර බදා හෙම්බත් වන මිනිසුන්ට ජිවිතය කෙතරම් කටුක වුවත් ජිවිතය හැර දා පලා යා නොහැකියි. ඒ උරුමය යැයි කියා සුසුමකින් ලය සනසා ගන්නවා මිසක හිස් අහස දෙස බලා වැස්ස වලාහක දෙවියන්ට කන්නලව් කර දිය පොදක් අයදිනවා මිසක ඔවුන් වෙන කුමක් නම් කියා කරන්න ද..

නාගරික ලෝකයෙන් ඈත්ව නොයිදුල් අහිංසක ලෝකයක හුස්ම ගන්නා කුඩා දරුවන්ගේ ජීවිත ද එසේමයි. ජිවිතය කෙතරම් නියං සායෙන් පිරි ඉතිරි ගිය ද ළපටි වන මල් කැකුළු කෙසේ හෝ පිපෙන්නට හීන දකිනවා. කුස්සිය මුල්ලේ තම්බා ඇති දෙයක් කුසගින්න නිවාගන්නට බඩට දා ගන්නා ඔවුන් කහට පැල්ලම් වැදී දිරාපත් වු පාසල් නිල ඇදුම් හැද පොත් පැන්සල් ද රැගෙන පාසල වෙත දිව යන්නේ අකුරක් හෝ ඉගෙන ජීවිතය දිනීමේ ආසාවෙන්. බාටා කෑලි දෙකක් හෝ ඇගිලි එලියට පනින ඉරි ගිය සපත්තු ද පය ලා පාසල් යන දරුවන් තවමත් අරුමයක් නෙවෙයි.

ජිවිතේ දුෂ්කරතම අගාධයේ හිදින ඔවුන්ට ජිවිත ජය ගත හැකි එකම මග අධ්‍යාපනයයි. ඉතින් නිවී නිවී ගැස්සෙන කුප්පි ලාම්පු එළියෙන් අකුරු වනපොත් කරනවා මිසක කුලී වැඩට ගොස් ජීවිතය කාලයම ලේ දහඩිය එක්ක දුක් විදින්නට ඔවුන් කෙසේ හීන දකින්න ද ?

අසරණ දුගී දුප්පත් දරුවන් ලෙස ඉපිද විටෙක ඉගෙන ගන්න මුදල් සොයා කුලී වැඩට අත් උදව් දෙන්නට දරුවන්ට ද යන්නට සිදු වෙන අවස්ථා ඕනි තරම්. නමුත් එසේ ඈත දුෂ්කර ගම් වල හිද දහසකුත් බාධක මැද ජිවිත දිනා උසස් අධ්‍යාපනය ලබන්නට සරසවියට එනෙනා සිසුන් ද ඕනි තරම්. නමුත් එසේම අකුරක් ඉගෙනීමට අවශ්‍ය පොත් පෑන් පැන්සල් ඇදුම් පැළදුම් ගන්නට අතේ සොච්චමක්වත් නැතිව තරගකාරී අධ්‍යාපන රටාව එක්ක ඔට්ටු වෙන්න දැනුම සපයා ගන්නට පොත් පත්තර නැතිව සිය අධ්‍යාපනය අත හරින්න ට වන දරුවන් ද අනන්තයි අප්‍රමාණයි. දුක් විද හෝ මව්පියන් හා එක්ව කුලී වැඩට යන ඔවුන්ගේ අනාගතය ගැන වගකීමක් ගන්නට කවුරුන් නම් කියා හිදීවී ද ?
සියල්ල මෙසේ වන්න ට ඉඩ දී නිහඩ ව බලා හිදින්නේ කෙසේ දැයි කල්පනා කල සරසවි සිසුන් කිහිප දෙනෙකු එක්ව IMCD නමින් සංගමයක් පිහිටවා ගන්නේ මේ දරුවන්ගේ වෙනුවෙන් යමක් කරන්නට ඕනා වූ නිසාවට. IMCD යනු නිකම්ම නමක් ද නොවේ. සමාජ සංවර්ධනය සඳහා වූ අන්තර්ජාතික සහයෝගිතාව (International Movement for Community Development) එහි අරුතයි. ජිවිතයේ දුක දන්නා නිසාවට අධ්‍යාපනයේ වටිනාකම දන්නා නිසාවට අසරණ දරුවන්ට හයියක් වන්නට සිතාගෙන ආරම්භ කල ද IMCD යනු මහා වත්කමක් ඇති තැනක් ද නොවේ. සරසවි අධ්‍යාපනය ලබන දරුවන් ලෙසින් තමන්ගේ ද එදිනෙදා වියදම් සොයා ගන්නා අතර තුරේ ම තැනින් තැන ඇවිද විවිධ පුද්ගලයින් හමුව එසේම හැකියාවන් තුලින් උපයා ගන්නා මුදල් ද එක්කර මේ දරුවන් වෙනුවෙන් ආධාර එක්කාසු කරනා IMCD සාමාජිකයින් ඊළගට ඈත දුෂ්කර ගම් දනව් හි හුස්ම ගන්නා අහිංසක දරුවන් සොයා යන්නේ පාසල් උපකරණ පොත් පත් ඔවුන් අවශ්‍ය බොහෝ දෑ සමගින් අරගෙන. ඒ පෙරලා කිසිවක් බලාපොරොත්තුව ද නොවේ.
අහිංසක මල් වැනි දරුවන්ගේ මුවග පිපෙනා මෙම සිනාවකින් පමණක් තෘප්තිමත් වන මෙම තරුණ පිරිස ගැන දිනමිණ y අපි ලියන්නට සිතුවේ ද ඒ නිසාවෙන්මයි.

ලක් දිව පුරා දහස් ගණන් පාසැල් වලට ආයතන වලට පුස්තකාල වලට ලක්ෂ ගණනින් පොත් මෙන්ම පාසල් උපකරණ ලබා ඇති මෙම තරුණ කැල 2012 වසරේ පටන් මේ ලෙසට සමාජ මෙහෙවරක නියැලෙන්නේ ඔවුන්ගේ ජිවිත වලද වූ දහසකුත් දුෂ්කරතා බාධක මැද්දෙයි. පොතක් දී අනාගතයක් එලිය කරමු ( DONATE A BOOK, LIGHT A FUTURE ) යන්න සිය තේමාව කරගත් ඔවුන් Needy Readers, Color a Dream, path to wisdom, My dream School, Amuzed , යනුවෙන් සිය ව්‍යාපෘති බෙදා වෙන් කර ඇත්තේ සිය සමාජ මෙහෙවර තව තවත් අරුත් ගන්වමින්. විටක සිය දැනුම අධ්‍යාපනය වැඩසටහන් තියමින් බෙදා දෙන ඔවුන් විටෙක සායම් මැකි බොද වී ගිය පාසල් කරා ගොස් ඒ පාසල් බිත්ති මත තීන්ත ගා පාසල් පුටු බන්කු ද වර්ණ ගන්වන්නේ දින දෙක තුන දුෂ්කර ගම්මාන වල කොහේ හෝ නැවතී හිදිමින්. වෙසක් අවුරුදු නත්තල් සැමරිය නොහැකිව හිදිනා අසරණ සිත් සොයා යන මෙම තරුණ පිරිස ඔවුන් සමගින් සතුටින් එකී උත්සව වැඩසටහන් සංවිධානය කරන්නේ මහළු වියපත් මෙන්ම අනාත දරුවන් අභිමුව ට ගොස් ඔවුන් නහවා කවා පොවා සනසන්නේ මේ අපේ ශ්‍රී ලාංකීය තරුණ පිරිසක් නේද යන ආඩම්බරයත් හැම හිතකට ම ගෙන දෙමින්.

කොළඹින් රෑ මැදියමේ එකට එකතුව පාසල් සොයා සිය ගමන ආරම්භ කරන IMCD සාමාජිකයින් විටක අවදිවන්නේ යාපනේ තල් ගස් ගස්සෙන් පොලවට වැටෙන හිරු රැස් සමගින්. එහෙමත් නැතිනම් උදේ පාන්දර මන්නාරමේ මුහුදේ ලුණු රසය එක්ක මුහුණට වැටෙන පිච්චෙන ගතියයි, අනුරාධපුරේ පදවිය වැනි දුෂ්කර පලාත් වල හැංගිච්ච කෑලෑබද ගමක මල් වල පුසුඹයි ඝන සැරේට මුහුණට වද දෙන දුවිහිලි සුවදයි එක්ක. ඈත කදු අස්සේ කම්මුල සීතලෙන් ගල් ගැහෙද්දී පාසල් සොයා ගියේ ද ඔවුන්මයි. හැබැයි කොයිතරම් ගමන දුෂ්කර වුව ද හැමදාම පුන්චී ඈයින්ගේ සතුට පිරිණු ඇස්, නොයිදුල් හිනාවන් හුරතල් කතා බහ අභිමුව හැම දුෂ්කරකමක් ම අමතක කරන IMCD තරුණ පිරිස් සිය කාර්ය මේ වන විට නොපිරිහෙලා ඉටු කරමින් හිදිනවා. කිසිවක් ආපිට බලාපොරොත්තු නොවී සිය ජීවිතයෙ තාරුණ්‍ය අසරණ සිත්වලට සිනාවක් දෙන්නට කැප කල ඔවුන් සැබෑවට මේ රටට ආඩම්බරයක්. ඔබටත් හැකියි ඔවුන් හා එක්ව අසරණ ජිවිත වලට හයියක් වෙන්න. අහිංසක ජිවිත එලිය කරන්නට උදව් වන්නට.

0774570889 – අමර් / 0777174993 - අරුණි / 0713687837 – තිමාලි

http://imcds.org/

සටහන - අරුණි කළුපහන

Categories: IMCD

ලාම්පු දැල්ලක් නෙවෙයි අපි සෞම්‍ය සඳ එළියක් වෙමු !!

මේ ජිවිතයේ දී එක පාරක් පාරක් හරි නිමෙන්නට ඔන්න මෙන්න තියෙන කුප්පි ලාම්පු එළියකින් ස්කොලේ පොත් පාඩම් කරන්න ඔයාට සිදු වෙලා තියෙනවා ද ? ගෙදරට ලයිට් ගන්න සල්ලි නැතිව හිටපු කාලෙක ගෙදර තිබුණු අන්තිම භූමිතෙල් ටිකත් ඉවර වෙලා තියෙද්දී පාරේ අයිනේ ලයිට් කණුවක් යටට ගිහින් ලග එන විභාගේට පාඩම් කරන ජිවිත ගැන ඔබ දන්නවා ද ?

පිසා හට්,ගෝ නට්, බර්ගර් කින්ග් කියන වචන හීනෙකින්වත් අහලා නැති උදේට වතුර ටිකක් බිලා ස්කොලේ ගිහින් දවල්ට ගෙදර ඇවිත් වත්තේ වැවෙන බතල අල දෙක තුනක් තම්බගෙන පොල් චුට්ටක් ගාගෙන කුස පුරෝගන්න දරුවෝ ගැන ඔබ අහලා තියෙනවාද.. බත් ටිකක් උයාලා සම්බෝලයක් හදලා දරුවන්ට කන්න දෙන්නවත් ඒ දුප්පත් අම්මලට වත්කමක් නැහැ.. වත්තේ වැවෙන බතල අල ටිකයි අහල පහල වත්තකින් අහුලා ගන්න පොල් ගෙඩියයි නැති වුනොත් එයාලට වෙන්නේ බඩගින්නේ මැරෙන්න කියලා ඒ අම්මාලා කදුළු පිරුණු දෑසින් හුල්ලනවා ඔබ අහලා තියෙනවා ද ?

ඔබ අහලා ඇති, දැකලත් ඇති, කියවලත් ඇති, හැබැයි ඒ ගොඩක් වෙලාවට සුරංගනා කතා පොත් වගේ නවකතා වලින්, ඒත් විශ්වාස කරන්න.. ඒ වගේ ජිවිත මේ පුංචි ලංකාවේ දුෂ්කර ගම්මාන වල තවමත් හුස්ම ගන්නවා..

කහට පැල්ලම් වලින් කහ ගැහුණු සුදු ගවුමත් ඇදගෙන සුදු සපත්තු දෙකක් ගන්න සල්ලි නැති හින්දා කැඩුණු සෙරෙප්පු පටියට හර්න්ල් කට්ටක් ගහලා සෙරෙප්පුවට අමුණගෙන ඒ දරුවෝ හිමිහිට ස්කොලේ යනවා.. ඒ රට රාජ්‍ය වල ගිහින් ඉගෙන ගන්න හිතාගෙන නෙවේ.. බඩගින්නක් නැති දුප්පත්කමක් නැති හෙටක් වෙනුවෙන් ඉගෙන ගන්න ඕනි හින්දා.. එහෙම ස්කොලේ ගිහින් ඉගෙන ගත්තේ නැතිනම් ඔවුන්ට වෙන්නේ පාරේ හිගා කන්න කියලා ඒ දරුවෝ දන්නවා..

ඇති මිනිහාට ඉස්මුරුත්තාවට දෙන දෙවියොත් මොකක්දෝ ආරෝවකට ඒ දුප්පත් ජිවිත වලට අසරණකම මදි නොකියන්න දීලා තියෙනවා.. ඒ හින්දාම දවසේ පඩියට කුලී වැඩක් කරලා හම්බ කරගන්න සොච්චම් මුදල ගෙදර පොඩි එකෙක්ට පොතක් ගන්න නෙවේ ගෙදරට රෑට රොටියක් පුච්චන්න පාන් පිටි ටිකක් ගන්නවත් මදි.. හැබැයි ඉතින් එහෙම මදියි කියලා උද්ඝෝෂණ කරන්න ගියොත් ඒ අම්මලාට වෙන්නේ පස්සට වැදෙන පයින් පාරත් එක්ක කබලෙන් ලිපට වැටෙන්න.. එහෙම නැතිනම් වත්තේ ලොකු මහත්තයාගේන් පුංචි එකාගේ ස්කොලේට ඕනි පොත් ටික ගන්න රුපියක් සියක් ඉල්ලුවත් උන්නැහේ බෙරිහන් දෙන්නේ දුප්පතුන්ගේ දරුවෝ ඉගෙන ගෙන සිටුවරු වෙන්න ද කියලා.. දුප්පත්කමට අසරණකමට කරකියා ගන්න දෙයක් නැති උනාම ඇස් වලින් එලියට පනින්න දගලන කදුළු බින්දු එක්ක හෙමිහිට ගෙදරට ගාටන ඒ අම්මලා තාත්තාලා කාටත් නොපෙනෙන්න වත්ත පහලට ගිහින් ඉකි ගසා හඩා වැටුණු වාර අනත්තයි.

ඔවුන්ට තිබුණු අන්තිම බලාපොරොත්තුවත් හිදිලා ගියාම ස්කොලේ යන්න පොත් ටික ගන්න සල්ලි නැති උනාම ඒ දරුවෝ අම්මලා තත්තාලා දුක් විදිනවා බලන්න බැරි කමට ගාමන්ට් එකට කොහු මෝලට ගල් වලට හේනට වැඩට යන්නේ කැමත්තෙකින් නෙවෙයි. ඉගෙන ගන්න තියා ගෙදර අයගේ බඩ පුරවා ගන්නවත් සල්ලි නැති හින්දා..

හැබැයි එයාලට උදව් කරන්න කෙනෙක් උන්නා නම් ?? එයාලට පොත් පෑන් ටික අරන් දීලා ඉගෙන ගන්න දිරිගන්වන්න කෙනෙක් උන්නා නම් ?? එහෙනම් ඒ ජිවිත ගොඩක් වෙනස් වේවි නේද ? හැම පැත්තෙන්ම බැට කාලා තැලිලා පොඩි වුන ඒ අහිංසක දරුවන්ට එක ඉහටත් උඩින්.. සමහර විට ඔබ ඒ පුංචි ජිවිත වලට උදව් කරන්න තීරණය කරොත් ඒ ආදරය, ඒ පරිත්‍යාගය ඒ පුංචි සිත් වලට මුළු ජිවිතයම වේවි.

විශ්වාස කරන්න.. ඔබ ඒ දරුවන් වෙනුවෙන් වැය කරන පුංචි මුදලකින් සුළු මොහොතකින් ඒ දරුවන්ගේ මුළු ජිවිතයක්ම වෙනස් කරන්න පුළුවන්. සමහර විට හේන් කුඹුරු අස්සේ වේලිලා පස් අස්සේ හැංගිලා යන්න ගිය ජිවිතයක් ඔබ කරන උදව් උපකාර නිසාවෙන් මතු දිනක ජීවිතය ඉතා සාර්ථක කරගත්තු දරුවෙකු ලෙසින් ඔබ හොයාගෙන ඇවිත් ස්තුතියි කරාවි..

හිතන්න, නිෂ්පල දේවල් වලට ඔබ වියදම් කරලා ලබන සතුටට වැඩිය ඒ වගේ පුංචි ජිවිතයකට උදව් කරලා ලබන ආත්ම තෘප්තිය, ඒ සතුට සදාකාලිකයි නේද ?

අපි කවුරුත් මේ ලෝකේ සදාකාලිකව ජිවත් වෙන්න ආව මිනිසුන් නොවන බව ඔයයි මමයි දෙන්නම දන්නවා. ඉතින් කවදා හරි ජිවිතයේ සෑදෑ සමය ගෙවන කාලෙකදී අපිට ඉතුරු වෙන්නේ අපි ජිවිතේ හරි හම්බ කරපු වස්තුව දේපල නෙවෙයි.. මැරෙන මොහොතේදී වුනත් සතුටින් මේ ලෝකේ දාලා යන්න අපිට උදව් වෙන්නේ අපි මේ ලෝකේට සේවයක් කරා නේද දුප්පත් ජිවිතයකට ආලෝකමත් වෙන්න උදව් කරා නේද කියන ඒ සතුට.. එය ඔබත් මාත් දන්නා කවදා හරි අත්දකින සත්‍යයක්..

හැබැයි මේ කොයි දේ කරන්නත් අපි හැමදාම හිත හිත ඉදලා හරියන්නේ නැහැ.. ඉතින් ඒ නිසාමයි IMCD ( http://www.imcds.org/ ) අපි දුප්පත් දරුවන්ගේ ජිවිත එලිය කරන්නට මුල් පියවර තැබුවේ. ඒ මිට අවුරුදු අවුරුදු 4කට කලින් 2012 මාර්තු මාසේ දී. උසස් අධ්‍යාපනය ලබන තරුණ තරුණියන් පිරිසක් එකතු වෙලා අපි IMCD නිර්මාණය කරේ අධ්‍යාපනය ලබන දරුවන් වශයෙන් අපිට ඔවුන්ගේ හදගැස්ම තේරුම් ගිය හින්දායි. එදා ඉදන් ගෙවී ගිය අවුරුදු 4ක ගමනේ දී අපි ලක්ෂයකට අධික පාසල් සංඛ්‍යාවකටත් දුප්පත් අසරණ දරුවෝ විශාල පිරිසකගේත් ජිවිත එලිය කරේ ඔබේ සහයෝගයත් සමගිනි. ඒ ගැන අපට ඇත්තේ නිර්ලෝභී ඔබ කෙරෙහි වූ ස්තුතිපුර්වක හැගීමක් සහ ඔබ පිළිබද වූ විසල් ආඩම්බරයක්. සැබවින්ම මේ සියල්ලෙන්ම අප හට දායාදව ඇත්තේ විසල් ආත්ම තෘප්තියත්. එය ඔබ නිසාවෙන් අප ලැබූ විශාලම දයාදයි.

ඉතින් ඔබටත් පුළුවනි තව තවත් ජිවිත එලිය කරන්නට අප හා එක් වන්න. ඉතින් අපිට කතා කරන්න,, පුංචි දරුවෙකුගේ ජීවිතය ගොඩ නගන්න ඔබට පාර කියා දෙන්න අප සුදානම්. අප හෙට දවසේ පුදින්නට බලා හිදින මල් කැකුළු නියෝජනය කරමින් ඔවුන්ට සවියක් වන්නට ඔබට ඇරයුම් කරමු.

ඉතින්, එන්න, අසරණ දුප්පත් දරුවන්ට ජිවිත ගොඩ නගා ගන්නට පියවර තනන්නට.. අපි ඔවුන්ට නිවී නිවී දැල්වෙන ලාම්පු දැල්ලක් නොවෙයි.. සෞම්‍ය සද එළියක් වෙමු.. නිදහසේ සිත පුරා ඉතුරුණු සතුටින් හෙට ලෝකය දින්නන්ට ඔවුන්ට ශක්තියක් වෙමු. මේ ජීවිතයේ අරුත ඇත්තේ, හුස්ම වැටෙන්නේ එතනයි.

අපේ මිලග නැවතුම : https://www.facebook.com/events/1325757014108335/

• Left
• Centre
• Right

Remove

click to add a caption

Donation Link : http://goo.gl/forms/8o1Ll8zu2k

http://takas.lk/tag/product/list/tagId/119/?dir=asc&mode=grid&order=name

• Left
• Centre
• Right

Remove

http://goo.gl/forms/8o1Ll8zu2k

IMCD අපි ගැන විස්තර දැන ගන්න

* http://imcds.blogspot.com/

* http://www.imcds.org/

* https://www.facebook.com/profile.php?id=111755202307509

ඉතින් ඒ දරුවෝ වෙනුවෙන් අපිට කතා කරන්න..

මරිනෝ - (077) 900 6742

නෙත්මිණි - (077) 123 4891

ක්‍රිෂාන් - (0 77) 824 9689

ඉෂාරා - (071) 886 7860

අශාන් - 077 459 2275

සටහන : අරුණි කළුපහන

Categories: IMCD, Needy Readers

Colouring Dreams... A Glance Backwards

A timid boy walks on to the stage, his eyes down, holding the microphone in his skinny hands. He sings a song, a song beautiful enough to make one cry, without even once raising his head to look at the awed audience. He is so shy, embarrassed maybe, to be on a stage in his ragged, dirty clothes that he had to wear, because he couldn’t afford to buy soap.

          This is the story behind the initiation of the third project of IMCD, Colour A Dream. 

Colour A Dream... Their Dreams...

          Upon seeing the financial needs of the deprived young student, IMCD successfully launches its second project, Colour A Dream in 2013.

          The first event, which was held on 13^th August, 2013 at Maharagama Youth Centre, gives a kick start to the project, sponsoring five needy children of Thunnana Siri Sumanajothi Maha Vidyalaya, Padukka , with the assistance of five generous donors.

Colour A Dream making his dream come true...

          CAD then starts sponsoring five more children from Ragama, and with the addition of three children from Kandana, the second donation event takes place in January, 2014.

Coloured Dreams...

          While the sponsorships continue once every three months, CAD volunteers take a huge step forward, by hosting a mega event, on 1^st of June, 2014, at Gampaha Urban Council Auditorium. The event attended by all IMCD volunteers and alighted by full-toothed smiles of our kids ans as well as the our IMCD family’s.

          As the time pass by, four children from Mannar are then selected as beneficiaries, their donations starting from September, 2014.

          CAD volunteers then starts sponsoring four children who are from a very needy family from Balangoda, about whom the CAD team was alerted through a video. (posted in social media)

Caring is what IMCD lives by...

          The recent Koslanda landslide disaster ails many people, and the CAD team takes up arms to help eight children who lost one or both their parents due to the disaster.

          As of now, the donations from our generous donors continue monthly, and once in every three months, more than 30 children all over the country is given a reason to smile.

          It is not just that they get a gift pack of stationary, but the fact that they know, they feel, that they are being cared for. That somebody is watching over them, waiting to see their smiles.

 

We count ourselves lucky to be the cause of these happy faces...

Categories: Colour a Dream, IMCD

පුංචි අපි තනිවෙලා නෑ...

ආදරෙන් ළඟට අරන්

කතන්දර කියල දෙන්න

අප්පච්චි ළඟ නැතිවුනත්;

අතින් අල්ලගෙන ඇවිදින්න

ලෝකේ ලස්සන පෙන්නන්න

අම්මා ළඟ නැතිවුනත්;

ආදරෙන් පිරුණු මේ ලෝකේ

පුංචි අපි තනිවෙලා නෑ...

Categories: Amuzed, IMCD

සැබෑ කරගන්නට බලා සිටින සිහින පිරුණු පුංචි සිත් පිරි පුංචි උන් රැඳි අපිට අමතක කොස්ලන්ද | Do not let the Slide Break Their Dreams!

ඔබට මතකද කොස්ලන්ද? මතකද මීට මාස කිහිපයකට පෙර සිදුවූ ඒ බිහිසුනු ඛේදවාචකය? සොබා දහමෙන් සිදු වූ ඒ නොසිතූ විපත? ඔව් ඔබට මතක ඇති එදා අකුරු කරන්නට පාසල් ගොසින් වෙනදාමෙන් නැවත එන්නට නිවසක් අහිමි වූ වෙනදාමෙන් මව් පිය තුරුලේ නැවතත් කිසිදු දිනක රැඳෙන්නට වරම් අහිමි වන්නට තරම් අවාසනාවන්ත වූ ඒ දරු පිරිස.

ඔබට වගේ අපි හැමෝටම ඒ අවාසනවන්ත සිදුවීම මතකයි වගේම ,ඒ පුංචි උන්ට අපිට ආයේ අම්මා අප්පච්චි ගෙනත් දෙන්න බැරි උනාට අපිට පුලුවන් අයුරින් ඔවුන්ට උපකාරයක් කරන්න IMCD අපි කලර් අ ඩ්‍රීම් (COLOUR A DREAM)  කණ්ඩායම එදා හිතාගත්ත ආකාරයෙන්ම ඒ කටයුත්ත ඉටු කරන්න ඔබ ලබා දුන් හා තවමත් ලබාදෙන පරිත්‍යාග සමඟ කොස්ලන්ද මිරිබැද්ද හල්දූමුල්ල වතු යායේ ඒ පිළිසරණ ඇවසි දරුවන් සොයා යනවා මාර්තු පළමු වන දින (2015/03/01).

එහිදී කලර් අ ඩ්‍රීම් (COLOUR A DREAM) ව්‍යාපෘතිය මගින් නිතරම සිදුකරන අන්දමට මෙම දරුවන්ගේත් අධ්‍යාපන කටයුතු නිමාවනතුරු අධ්‍යාපන කටයුතු කරගෙන යාමට සහය වන්නට පරිත්‍යාගශීලීන් අතුරින් ළමුන් සඳහා කැපකරුවන් පත් කර ඔවුන් මඟින් දරුවන්ට  ශිෂ්‍යත්වයන් පරිත්‍යාග කරන්නට නියමිතයි. 

මේ ස්වභාවික ව්‍යසනය නිසා දෙමව්පියන් අහිමි වූ ඒ අසරණ දරු දැරියන්ට මාසිකව ශිෂ්‍යත්ව අරමුදලක් ලැබෙන විදිහට අපි කටයුතු සුදානම් කරන්නයි අපේ සූදානම..

ඒ සඳහා කලර් අ ඩ්‍රීම් අපේ සහයට "මව්බිම", "Ceylon today" පුවත්පත් මෙන්ම Drizzling foundation සංවිධානයත්  සිටින බව පැවසිය යුතුමයි.

ඔබටත් මේ සත්කාරයට දායක වීමට ඇවසි නම් වැඩි විස්තර සඳහා අමතන්න තරිඳු - 077 413 7102 / මරිනෝ - 077 900 6742 / සචිත් - 077 3852970 ) 

WATCH THIS VIDEO

Categories: Colour a Dream, IMCD

“ කියවලා ඉවර නම් අපිට දෙන්න... “

මේ ගෙවෙන්නේ සාහිත්‍ය මාසයයි.. සාහිත්‍ය මාසය කෙමෙන් කෙමෙන් ගෙවී යන විට කියවීමේ මාසයත් හෙමි හෙමින් ලගා වන බව කවුරුත් දන්නා  නොරහසකි. පොතක් කියවීම තුලින් මිනිසා පරිපුර්ණත්වයට පත් වේ යැයි කියමනක් ද අප අතර තිබේ. ඒ කෙසේ නමුදු පොතක් යනු සැබෑ ලෝකයේ දුෂ්කරතා වලින් මොහොතකට අප ඈත් කර සිත් සනසා ලන සුවයක් දෙන අරුම පුදුම මාධ්‍යයකි.

මොහොතකට හෝ සිත මදක් හෝ නිවාගෙන සොදුරු ලෝකයක සරන්නට කව්රුන් ද අකමැති??

නමුත් පොතක් ඇසුරු කරන්නට තබා පොතක සුවද විදින්නටවත් හැකියාවක් නැති දරිද්‍රතාවයේ අදුරුම පතුලක  එදා වේල වත් හරියකට නොලැබෙන අසරණ පුංචි ජිවිත රැසක් හුස්ම ගන්නා බැව් කිව යුතුය.. ඒ කොළඹින් බෝ දුර  දුෂ්කර යැයි සම්මත ලෝකයක ය.

එවන් අසරණ දරුවන් හොයා ඔවුනට නිබදව සහය වන සමාජ සංවර්ධනය සදහා වූ අන්තර්ජාතික සංවිධානය ( IMCD ) දුෂ්කරතා සහිත දරුවන්ට අවශ්‍ය පුස්තකාල පොත් සේම අධ්‍යාපනික උපකරණ අධ්‍යාපන ශිෂ්‍යත්ව ද ලබා දෙමින් ඔවුන්ගේ ජිවිත වලට ආලෝකයක් ලබා දෙන්නට වෙහෙසෙන වැඩසටනකි.

Needy Readers ව්‍යාපෘතිය යනු දුෂ්කර පළාත් වල සිටින අඩු පහසුකම් සහිත දරුවන්ගේ කියවීමේ රුචිය වර්ධනයටත් කියවීමට ඉතා ආසාවෙන් සිටින මුත් පොත් නැති දරුවන්ටත් සහය වන ඔවුන්ට අවැසි පොත් ලබා ව්‍යාපෘතියකි.

මේ වන විට ඔවුන් පොත් 34,100කට වැඩි ප්‍රමාණයක් ශ්‍රී ලංකා තලය පුරාම විහිදුනු 69කට අධික ස්ථාන රැසක් කරා යොමු කර තිබීම විශේෂත්වයකි. ඒම ස්ථාන අතර පාසල් , ළමා නිවාස  සේම හමුදා කදවුරු සිර කදවුරු තිබීම ද සදහන් කල යුත්තකි.
 
“ උනන්දුවත් හොද දක්ෂතවයකුත් තිබෙන දරුවකුගේ/ දැරියකුගේ අනාගතය තමන්ගේ පාසලේ හෝ තමාගේ නිවසේ තිබෙන පහසුකම් අඩු බව නිසා අකාලයේ මියැදෙනවා කියනනේ ඉතා විශාල පාඩුවක් හා දුකක්. එවන් දරුවන්ට ඔවුන්ගේ සිහින කරා ගමන් කරන්නට පුංචි හෝ උදවුවක් කරන්නම් පුළුවන් නම් එය ඉතා මහගු සත්කාරයක්. ඒ නිසාමයි අපි මේ විදියට IMCD සංවිධානය ආරම්භ කලේ.. එහි තවත් එක පියවරක් තමා Needy Readers ව්‍යාපෘතිය.

එසේම කියවීමට හුරු වීම තුලින් පුංචි දරුවන්ට විශාල  මග පෙන්වීමක් ලැබෙනවා ඔවුන්ගේ අනාගත ජිවිතය සාර්ථකව හැඩ ගස්වා ගැනීම උදෙසා.. එත් බොහෝ වෙලාවට දුෂ්කර පලාතක දරුවෙක්ට කියවීමට පොතක් මිල දී ගන්නටවත් වත් කමක් නැහැ.. ඉතින් ඒ නිසාම ඔවුන්ට අවශ්‍ය පොත් පත් ලබා දී සහය විමයි අපේ අරමුණ..

ඔබ ගාව කියවලා අවසන් වුනු ඔබට අවශ්‍ය නැති පොත් , ඔබ ලග වැඩි පුර ඇති පොත් හෝ මේ දරුවන් වෙනුවෙන් සිහිවටන විදියට අලුත් පොත් කිහිපයක් හෝ ලබා දෙන්න පුළුවන් නම්  එය ඔවුන්ට විශාල ශක්තියක්.. “  IMCD සංවිධානයේ සභාපති උපුල් සේනානායක ඒ විදියට කිවේ ඔවුන්ගේ අරමුණු පැහැදිලි කරමින්.

සැබෑවටම ඔවුන් කරනා ඒ කටයුත්ත අගේ කල යුතුයි.. ඉතින් එන්න අපිත් අපිට ඇති හැකි අයුරින් දසත විහිදී සිටින පුංචි දරුවන්ට අපේ අනාගත පරපුරට උදවු කරමු..

පොතක් දී ජිවිතයක් එළිය කරමු..

ඔවුනට ඔබත් උදව් කරන්නට තව දුරටත් විස්තර දැන ගන්න කැමති නම් 071 666 3282 – upul , 077 982 91 91 – Lahiru අමතන්න.. එහෙමත් නැතිනම් http://imcds.org/ වෙබ් අඩවියට පිවිසෙන්න..




- අරුණි කළුපහන - 

Categories: Needy Readers

ඔවුනට ඔබේ උදව් අවශ්‍යයි | BALANGODA DONATION by COLOUR A DREAM

දෛවය මිනිසුන්ව අසරණ කරන්නේ ඇතැම් වෙලාවට බොහොමත්ම අනපේක්ෂිත අන්දමට. 

දවසක් මගේ මිතුරෙක් සමඟ කතා කරමින් ඉන්න වෙලාවක ඔහු මට කියනව වීඩියෝවක් නරඹන්න. ඔහුගේම වචනයෙන් කිව්වොත් ඔහු මට කිව්වේ "Ridmi, CAD එකෙන් අපි තව donation එකක් කරා බලන්ගොඩ පැත්තේ ඒ කතාව බලන්න මේ video එකේ" ඇත්තෙන්ම ඒ වෙනවිටත් එම වීඩියෝව දෙතුන් වතාවක් මගේ නෙත් ගැටුනත් මට බලන්න අවස්ථාවක් ලැබුනේ නැහැ නමුත් මම එය බලන්න පටන් ගත්තා..

ඒ වීඩියෝවෙන් කතාවක් කියවෙනවා..අහිoසක දරු පවුලක්, පොළොවට කඩා වැටෙන්නට ඔන්න මෙන්න වූ කටු මැටි ගැසූ කුඩා කාමරයක්..

දෙවියනේ අපි මොනතරම් අපේ ජිවීතයේදී අපිට නොලැබෙන භෞතික අවශ්‍යතාවයන් පිළිබඳ චෝදනා කරනවද? නමුත් ඔබට,මට ඇත්තෙන්ම එලෙස චෝදනාකිරීමට කෙතරම් දුරට සාධාරණීය වූ අයිතියක් තියනවද යන්න පිළිබඳ දෙවරක් සිතන්නට මේ වීඩියෝව ඔබට මගපෙන්නාවි.

බලන්ගොඩ ප්‍රදේශයේ කුඩා දරුවන් 4 දෙනෙකුගෙන් යුත් පවුලක, දරුවන් දෙදෙනෙක් පාසල් යවන්නට මේ දෙමව්පියන් කෙසේ හෝ තම යුතුකම ඉටු කරනවා. කටු මැටියෙන් වුනත් පොළොවෙන් ඉහළට එසවුනු නිවසක් සතුවූ ඔවුනට සොභා දහම පවා කෙනෙහිලිකම් කරන්නට පටන් ගන්නව. දෛවයේ සරදමකට මෙන් 4 ශ්‍රේණිය දක්වා පාසල් ගිය ඔවුන්ගේ එක් දරුවෙක් රෝද පුටුවකට වැටෙන්නේ පිළිකා රෝගයකට ගොදුරු වීමෙන්. ඔහුට ප්‍රතිකාර කරන්න නිවසින් බැහැරව සිටි කාලය තුළ සුළඟින් නිවසේ කාමරයක් පමණක් ඉතිරිවන අන්දමින් අපදාවට පත් වෙලා. පියා ඇදුම රෝගයෙන් පෙළෙන්නෙක්.

ඔවුන්ගේ නිවස 

මගේ මිතුරා මේ වීඩියෝ පටය සොයාගෙන තිබුනේ මුහුණු පොතේ තවත් සහෘදයෙකුගේ පළ කිරීමකින්, ඔහු නමින් ප්‍රසන්න උයන්වත්ත.ප්‍රසන්න උයන්වත්ත ගේ සහයෙන් මගේ මිතුරා ඇතුළු IMCD එකමුතුවේ Colour A Dream (CAD) කණ්ඩායම මොවුන් වෙනුවෙන් පුලුවන් අන්දමින් යමක් කරන්න ඉදිරිපත් වෙනවා..සතියක් වැනි අඩු කාලයක් තුළ ඔවුන්ගේ කාර්‍යය බහුල ජීවිතයෙන් ඉඩක් ලබාගෙන අසරණ ඔවුනට එදිනෙදා අවශ්‍යතාවයන් සපුරාගන්නට වියළි ආහාර ද්‍රව්‍යය හා පාසල් උපකරණ කට්ටල කිහිපයක් ලබා දෙන්න ඔවුන් බලන්ගොඩ බලා පිටත් වෙන්නේ පසුගිය අගෝස්තු 31 වන දින.ඔවුනට මේ කටයුත්ත කරන්න පරිත්‍යාගශීලීන් බොහොමයකගේ සහය ලැබුනා.

මේ කටයුත්ත දියත් කල මරීනෝ,තරිඳු,ක්‍රිශාන් සහ කැමරාව පිටුපස සිටින තරිඳු ඔබටත් අපේ උත්තමාචාරය

ඇත්ත, මගේ මිතුරා ,ඔහුගේ කණඩායම හා පරිත්‍යාගශීලීන් ලබා දුන් ඒ වියළි ආහාර ද්‍රව්‍යය සති කිහිපයකට ඔවුනට සෑහේවී. නමුත් ඒ කණ්ඩායම තවත් මහඟු කටයුත්තක් ඉටු කිරීමට ඉදිරිපත් වෙනවා..එය CAD කණ්ඩායම විසින් අවුරුද්දක් පුරාවට සිදු කර අන්දමින්ම මේ පවුලේ අසරණ දරුවන්ගේ අධ්‍යාපන කටයුතු කරගෙන යාමට මූල්‍යමය වශයෙන් සහයක් ලබාදෙන්න ඔවුන් වෙනුවෙන් අනුග්‍රහය දක්වන්න කැප කරුවෙක් සොයාදීමයි.දරුවන්ගේ අධ්‍යාපන කටයුතු යහපත්ව ඉදිරියටම කරගෙන යාමට එයින් ඔවුනට මග පෑදෙනු නිසැකයි.

ඔබත් මෙවැනි සත්කාරයන් උදෙසා Colour A Dream සමඟ එකතුව ඔවුන් හට සහය වන්න කැමති අයෙක් නම් 0779006742 Marino Joseph අමතන්න .

ඡායාරූප අයිතිය :Tharindu Sazz Winchester (Paradox Pictures)

More pictures

Needy Readers පොත් සවාරි

එකමත් එක රටක හරි අපූරු ළමයෙක් හිටියා.. ඒ ළමයාට පුළුවන්කම තිබ්බා ඇහි පිල්ලමක් ගහන පමාවෙන් ලෝකේ ඕනෙම තැනකට යන්න. ඔබ... හිම වලින් වැහිච්චි සීතල කඳු උඩින්... පියාඹන මාළුවෝ ඉන්න හරිම ගැඹුරු නීල මහා සාගරය උඩින් කිසිම කරදරයක් නැතිව යන්න ඒ ළමයට පුළුවන් උනා..

අකුණු ගගහා ගොරවන අඳුරු රාත්‍රී වල ඒ අපූරු ළමයා රොබින්සන් කෘසෝ එක්ක සයුරු ගවේෂණයේ ගියා. දුයිෂෙන් ගුරුතුමා එක්ක පොප්ලර් ගස් යට වාඩි වෙලා අයිලයේ අනාගතේ ගැන හිතුවා... සමහර දවස් වලට ඇලිස් එක්ක විශ්මලන්තේ තේ කෝප්ප සවාරියක් ගියා...

පොත් ඒ අපූරු සවාරි ඔක්කොම යන්න ඒ ළමයාට උදව් කළා.. 

පොතක තියෙන අගය වටිනාකම දන්නේ කන්නේ බොන්නේ නැතිව පොත් ගුල්ලෝ වගේ පොත් වලම ඇලී ගැලී ඉන්න කැමති ඔබම තමයි. හැබැයි ලංකාවේ සමහර පළාත් වල පාසල් වල පොත් වලින් පිරිච්ච පුස්තකාල නෑ... ඒ පුංචි මල් කැකුළු වල කියවීම් පවස නිවන්න NeedyReaders අපේ කණ්ඩායම අත්වැල් බැඳ ගත්තේ මිට වසර දෙකකට පමණ ඉහතදී...

එදා තුන්නාන ශ්‍රී සුමනජෝති විද්‍යාලයට කියවීම් පොත් ලබා දීමෙන් ඇරඹුණු Needy Readers සමාජ සත්කාරය අද වෙන කොට ලංකාවේ හතරදිග්බාගයේ විසිරිලා තියෙන පහසුකම් අඩු පාසල්, තරුණ සංවිධාන, ග්‍රාමීය පුස්තකලා ආදී තැන් වලට පරිත්‍යාග කරන්නට යෙදුනු කියවීම් පොත් ගණන ලක්ෂයකට ආසන්නයි..

පොත් සැණකෙළි පිරිච්ච සැප්තැම්බර් මාසයේ අපේ කණ්ඩායමේ බලාපොරොත්තුව අනුරාධපුර දිස්ත්‍රික්කයේ තෝරා ගත් දුෂ්කර පාසල් සමුහයකට කියවීම් පොත් 35,000 ක් ලබා දෙන්න..

ඒ උදාරතර අරමුණ යතාර්ථයක් කරගන්න පුළුවන් ඔබ අපි අත්වැල් බැඳ ගත්තොත් විතරයි. ඔබ කියවලා ඉවර වෙච්චි.. ඒත් පාවිච්චි කරන්න පුළුවන් තත්ත්වයේ තියෙන පොතක් හරි... අලුතින්ම ගත්තු සුවඳ ගහන අලුත් පොතක් හරි ඒ දුවා දරුවන්ට පරිත්‍යාග කරන්න අපි එක් වෙමු.

අපේ සසහෝදර පිරිස සැප්තැම්බර් 20 -21 දවස් වල ඔබේ නිවෙස් වලටම ඇවිත් ඒ දයාබර පරිත්‍යාගයන් භාර ගන්න සූදානම්..

071-666 32 82 උපුල්

011-982 91 91 ලහිරු

අපේ මේ දුරකථන අංක වලට කතා කරලා ඔබේ  පරිත්‍යාගයන් ගැන අපිට කියන්න, අපි ඒ උදාර පරිත්‍යාගයන් අනුරාධපුර දිස්ත්‍රික්කයේ ඒ පුංචි මල් කැකුළු වෙත අරං යන්නම්....

අපි එක්වෙමු... කියවීමේ සා පිපාසාවෙන් පෙලෙන ඒ මල් කැකුළු පුබුදමු.  රමුණර්රික්කයේොට ලංකාවේ හතර කොන  

Categories: Needy Readers